.:[ Tuesday, March 15, 2005 ]:.
Si Dao, Jenny, Mara at Aguilos

Sa tinagal-tagal ng aking panonood ng mga telenovela at teleserye narito ang mga ilang generalizations na aking naipon:

1. Karaniwang mahirap ang isa sa mga bida. Usually, ang babae ang mahirap. Sa kalagitnaan ng kwento, malalaman mo na lang na ang mahirap na bida pala ay ang nawawalang anak ng isang napakayamang haciendero o haciendera.
2. Karamihan ding mga ampon o galing sa mga bahay ampunan ang bida. Mas masaya din kung naipalit ang bata noon ipinanganak siya.
3. Walang kwenta ang plot kung hindi magkaka-amnesia ang bida. Karaniwang bidang lalaki ang mga nagkaka-amnesia dahil sa isang aksidente. Sa panahon na may amnesia siya, makakalimutan (syempre) niya ang kanyang present girlfriend at mai-inlove siya sa isang babaeng may koneksyon sa kanyang gf.
4. May kontrabidang walang kasing sama at lupit. Magpapaka-martir ang bida kahit ka ga-hibla na ay papatayin na siya.
5. Nauuso na rin ang mga storya ng mga nai-inlove na magkapatid. Mabuti na lang at sa kalagitnaan ng serye, malalaman na lang natin na ampon pala ang isa. (See # 2)
6. Kailangan ding nakapalda ang mga bidang babae kung sa probinsya sila nakatira. Maigi din kung mahaba ang buhok ng mga ito.
7. Sa isang lihim ng nakaraan iinog (naks) ang kwento. Isa sa mga main character ang may hawak ng lihim. Sa kanyang deathbed niya ito ire-reveal. Pwede ding isang diary ang naglalaman ny lihim.
8. Sa kasal kadalasang nagtatapos ang mga telenovela

Ewan ko kung nabago na ang mga plot ng mga bagong telenovela ngayon. Mula kasi ng marating ng cable TV ang probinsya naming ay sa mga reality shows na ako na-aadict.

by T.W.I.S.T.E.D at 3:46 PM

|